ޓައިވާނަށް އައި ބާރުގަދަ ބިންހެލުމުގައި އެތައް ބަޔަކު މަރުވެއްޖެ

ޓައިވާނަށް މިއަދު އައި ބާރުގަދަ ބިންހެލުމެއްގައި ބައެއް އިމާރާތްތައް ވެއްޓި ނުވަ މީހަކު މަރުވެ 800 އަށް ވުރެ ގިނަ މީހުން ޒަހަމްވެއްޖެ އެވެ.

މެގްނިޓިއުޑުން 7.4 ގެ ބާރުމިނުގައި އައި މި ބިންހެލުމަކީ މިދިޔަ 25 އަހަރު ތެރޭ ޓައިވާނަށް އައި އެންމެ ބާރުގަދަ ބިންހެލުން ކަމަށް އޮފިޝަލުން ވިދާޅުވި އެވެ. މި ބިންހެލުމަށް ފަހު އަދިވެސް އިތުރު ލޮޅުންތައް އެރުން އެކަށީގެންވާ ކަމަށް ވަނީ އިންޒާރު ދީފަ އެވެ.

ވޫ ވިދާޅުވީ މި ބިންހެލުމަކީ 1999 ވަނަ އަހަރުގެ ސެޕްޓެމްބަރު މަހު 7.6 މެގްނިޓިއުޑްގެ ބާރުމިނުގައި އައި ބިންހެލުމަށް ފަހު އައި އެންމެ ބާރުގަދަ ބިންހެލުން ކަމަށެވެ. އެ ބިންހެލުމުގައި ގާތްގަނޑަކަށް 2،400 މީހުން މަރުވި އެވެ.