އައްޑޫ ހޮސްޕިޓަލް ތަރައްޤީކުރެވޭނީ އެންމެ މަތީފެންވަރުގެ ޚިދުމަތްތަކާއެކު

އައްޑޫ ސިޓީގެ ހިތަދޫއަށް ވަޑައިގެން އެރަށުގެ ރައްޔިތުންނާއި ބައދަލުކުރައްވައި ވާހަކަފުޅުދައްކަވަމުން ރައީސް ވިދާޅުވީ ދެކުނުގައި ޤާއިމްކުރާ އިންޓެގްރޭޓެޑް ޑިވެލޮޕްމަންޓް ޒޯންގެ ކެޕިޓަލްއަކީ އައްޑޫސިޓީކަމަށާއި ހިތަދޫ ހޮސްޕިޓަލް ތަރައްޤީކުރައްވާނީ އެންމެ މަތީ ފެންވަރުގެ ހުރިހާ ޚިދުމަތްތަކެއް ލިބޭގޮތަށް ކަމުގައެވެ.

ހޮސްޕިޓަލަށް ވަރަށް ގިނަ އެކްސްޕޭންޝަން ބޭނުންވާނެ ކަމަށާއި އޭގެތެރެއިން ބައެއް ކަންކަން ފެށުމުގެ މަސައްކަތްތައް ވަރަށް އަވަހަށް ފެށިގެންދާނެކަމަށާއި އޭރުން އެޚިދުމަތްތައް ހޯދުމަށް މާލެދިޔުން ނިމުމަކަށް އަންނާނެކަމުގައި ރައީސް ވިދާޅުވިއެވެ.

މިއަހަރަށް ކަނޑައަޅާފައިވާ ބަޖެޓުގައި އެކި މަޝްރޫޢުތަކަށް ބޭނުންވާ ވަރަށް ފައިސާ ނުހިމަނައި, އަލަށް ހޮވުނު ސަރުކާރުން ބޭނުންވާ ބައެއް މަޝްރޫޢުތައް އެމްޑީޕީގެ މެޖޯރިޓީއޮތް މަޖިލީހުން ވަނީ އުނިކޮށްފައެވެ.