ޙަބަރު
އައު ޖަނަރޭޓަރާއި އެކު ވައިކަރަދޫއަށް ކަރަންޓު ދީފި
ފެނަކަ އިން ފޭސްބުކްގައި ކުރި ޕޯސްޓެއްގައި ބުނީ ވައިކަރަދޫގެ ކަރަންޓުގެ މައްސަލަ ހައްލުކުރަން ގެންދިޔަ 250 ކިލޯވޮޓްގެ ޖަނަރޭޓަރުން ކަރަންޓު ދޭން ފަށާފައިވާ ކަމަށެވެ.
ވައިކަރަދޫގައި 24 ގަޑިއިރު ކަރަންޓު އަލުން ޔަގީން ވެގެން މިދިޔައީ އެ ހިދުމަތް ނުލިބޭތާ ހަފްތާއަކަށް ވުރެ ގިނަ ދުވަސް ފަހުންނެވެ. ވައިކަރަދޫން މީގެ ކުރިން ވާހަކަ ދެއްކި މީހަކު ބުނީ ކަރަންޓު ދެމުން އަންނަނީ އަވަށްތަކަށް ބަހާލައިގެން ކޮންމެ ތިން ގަޑިއިރަކުން ތިން ގަޑިއިރަކުން ކަމަށެވެ.
އެހެންވެ، ރޯދަ މަހުގެ މެންދުރު ފަހު އެންމެ ހޫނު ގަދަ ގަޑީގައި އާއި ރޭގަނޑު ގަޑީގައި ކަރަންޓު ކަނޑާލާތީ ބޮޑެތި އުނދަގުލާއި ތަކުލީފްތައް އުފުލަން ޖެހުނު ކަމަށް ވެސް އެމީހުން ބުނެފައިވެއެވެ. ކަރަންޓު ކަނޑާ މައްސަލައިގައި އެ ރަށުގެ ބަޔަކު ވަނީ ރަށުގައި މުޒާހަރާ ވެސް ކޮށްފައެވެ.
ކޮމެންޓު