ވީޑިއޯއިން ފެންނަނީ ވެރިފަރާތުން ހަވާލުނުވުމުން ނައްތާލާ އުޅަނދުތަކެއް: ފުލުހުން

ސޯޝަލް މީޑީއާގައި ދައުރުވަމުންދާ ވީޑިއޯއިން ފެންނަނީ ވެރިފަރާތުން ހަވާލުނުވުމުން ނައްތާލާ އުޅަނދުތަކެއް ކަމަށް ފުލުހުން ބުނެފިއެވެ.

މި ވީޑިއޯއާ ގުޅިގެން އާއްމުންގެ ފާޑުކިޔުން އަމާޒުވެފައިވާއިރު މިކަމާ ގުޅިގެން ފުލުހުން ނެރެފައިވާ ބަޔާނުގައި ބުނެފައި ވަނީ މި ވީޑިއޯއިން ފެންނަ އުޅަނދުތަކަކީ ޓޯކޮށް، ދޫކުރުމަށް ހަމަޖެހިފައިވާ މުއްދަތުގައި އުޅަނދުތަކުގެ ވެރިފަރާޓުން ހަވާލު ނުވެ ހުރި އުޅަނދުތަކެއް ކަން ސާފުކޮށްދީފަ އެވެ.

ވީޑިއޯއިން ފެންނަ މަންޒަރަކީ އެ އުޅަނދުތައް ނައްތާލުމަށްޓަކައި ތިލަފުއްޓަށް ކުނީގެ ގޮތުގައި ގެންދިއުމަށް، ހުޅުމާލެ ފޭސް 2 އަކުން ފުލުހުންނަށް އަލަށް ހަމަޖެހުނު ޓޯޔާޑަށް ގެންގޮސް ކުނީގެ ގޮތުގައި އެއްތަނަކަށް ޖަމާކުރާ މަންޒަރު ކަމަށް ފުލުހުން ވަނީ ބުނެފައެވެ.