ފަހުގެ

ކުޑަކުދިންގެ ދުވަހުގެ މުނާސަބަތުގައި ރާއްޖޭގެ ލޮބުވެތި ކުޑަކުދިންނަށާއި އާއިލާތަކަށް ތަހުނިޔާ ފޮނުއްވަމުން، ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު ވަނީ ކުޑަކުދިންނަށް އޯގާތެރިކަމާއެކު އަޅާލުމުގެ މުހިންމުކަމުގެ މައްޗަށް ބާރުއަޅުއްވާފައެވެ. މެޑަމް ސާޖިދާ ވިދާޅުވީ، ހެޔޮލަފާ ދަރިންތަކެއް ބޮޑުވަމުންދާ ގައުމެއްގެ މުސްތަގުބަލާ މެދު މާޔޫސްވާން ނުޖެހޭނެ ކަމަށެވެ. އަދި ކުޑަކުދިންނަށް އަޅާލައި، އޯގާތެރިކަމާއެކު އެކުދިން ހިމާޔަތްކުރާހާ ހިނދަކު، ގައުމުގެ ކުރިމަގަށް ކުރާ އުންމީދުތައް ހަގީގަތަކަށް ވަމުންދާނެ ކަމަށްވެސް އެކަމަނާ ފާހަގަކުރެއްވިއެވެ. ދިވެހިރާއްޖޭގައި ކޮންމެ އަހަރެއްގެ މެއި މަހުގެ 10 […]

ރާއްޖޭގައި ސައްޙަ ވޯކްޕާމިޓެއްގައި މަސައްކަތްކުރާ ބިދޭސީންގެ ތެރެއިން 98 އިންސައްތަ މީހުންގެ ބަޔޯމެޓްރިކްސް ނަގައި ނިމިއްޖެ ކަން ރައީސް ޑރ މުަހައްމަދު މުއިއްޒު ހާމަކުރައްވައިފިއެވެ. މި މަސައްކަތުގެ ތަފްސީލު ހާމަކުރައްވަމުން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ،ސައްޙަކަން ކަށަވަރު ކުރެވިފައިވާ އެކްޓިވް ވޯކްޕަރމިޓުގައި މިވަގުތު ރާއްޖޭގައި ޤާއިމުވެތިބެގެން މަސައްކަތް ކުރަމުންދާ ބިދޭސީ މަސައްކަތްތެރިންގެ ތެރެއިން 98 އިންސައްތަ މީހުން ބަޔޯމެޓްރިކަލީ ކާކުކަން ދެނެގަނެވޭނެ ގޮތަށް 10 އިނގިލީގެ ނިޝާނާއި ސާފު ފޮޓޯ ނަގައި ނިމިއްޖެ ކަމަށެވެ. އެގޮތުން […]

ސިފައިންނަށް ހައުސިން ސްކީމްތަކުން ފުރުޞަތު އިތުރުކޮށްދެއްވާނެކަމުގެ ޔަޤީންކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވައިފިއެވެ. ދިވެހި ސިފައިންގެ ޚިދުމަތަށް 134 އަހަރު ފުރުން ފާހަގަކުރުމުގެ ގޮތުން ބޭއްވި ޚާއްޞަ ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ، ބޯހިޔާވަހިކަމަކީ ކޮންމެ ދިވެއްސެއްގެވެސް އަސާސީ ޙައްޤަކަށް ވާއިރު، ޤައުމުގެ ދިފާޢުގައި މަސައްކަތްކުރާ ސިފައިންނަށްވެސް އެ ޙައްޤު ފުރިހަމައަށް ލިބެންޖެހޭ ކަމަށެވެ.މީގެއިތުރުން، ސަރުކާރުން ހިންގާ ޢާންމު ހައުސިންގް ސްކީމްތަކުގެ ތެރެއިން، ސިފައިންނަށް ޚާއްޞަކޮށްގެން ދޫކުރާ ޔުނިޓްތަކުގެ ޢަދަދު އިތުރުކޮށްދެއްވާނެ ކަމަށް ރައީސް ވަޢުދުވެވަޑައިގަތެވެ. […]

ރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ މައްސަލައަކީ ޤައުމީ ބޮޑު މައްސަލައެއްގެ ގޮތުގައި ބައްލަވައި، އެކަމަށް ދާއިމީ ހައްލެއް ހޯދުމަށް ސަރުކާރުގެ “ހޯމް ޓީމުން” ވަރުބަލިކަމެއް ނެތް ބުރަ މަސައްކަތްތަކެއް ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެއެވެ. މިނިސްޓަރު އެކްސްގައި ހިއްސާކުރެއްވި ޕޯސްޓެއްގައި ވިދާޅުވީ، ވޭތުވެދިޔަ މުއްދަތުގެ ތެރޭގައި “ހޯމް ޓީމު” އަދި ސަރުކާރުގެ ކަމާބެހޭ ހުރިހާ މުއައްސަސާތަކުން ވަނީ މި މަގުސަދު ހާސިލުކުރުމަށްޓަކައި އެއްވެސް ވަރުބަލިކަމެއް ނެތް، އިޚްލާޞްތެރި މަސައްކަތްތަކެއް ކޮށްފައި ކަަމަށެވެ. ކުރީގެ […]

މަކަރާއި ހީލަތުން ފައިސާ ހޯދާ މައްސަލަތައް އިތުރުވަމުންދާތީ، އަމިއްލަ ބޭންކް އެކައުންޓްތަކުގެ މައުލޫމާތާއި އޯ.ޓީ.ޕީ ފަދަ ސިއްރު ކޯޑުތައް އެހެން ފަރާތްތަކާ ހިއްސާނުކުރުމަށް މޯލްޑިވްސް ޕޮލިސް ސަރވިސްއިން އިން އެދިއްޖެއެވެ. ފުލުހުން ނެރުނު ބަޔާނުގައި ބުނީ،ދިވެހިރާއްޖޭގެ ބޭންކިންގ ނިޒާމުގެ ތެރޭގައި އެކި ފަރާތްތަކުގެ ނަމުގައި ހުޅުވާފައިވާ ބޭންކް އެކައުންޓްތައް މެދުވެރިކޮށް، އެކި ފަރާތްތަކުން އޮޅުވާލައިގެން މަކަރާއި ހީލަތުން ފައިސާ ހޯދައި، އެ ފައިސާ ދައުރުކޮށް “މަނީ މޫލް” ނުވަތަ ކުށުގެ އަސްލު އޮޅުވާލާ ފަރާތްތަކުގެ ގޮތުގައި މުޖުތަމައުގެ […]

ރާއްޖެއަށް ހަންޓާ ވައިރަސް ފެތުރުމުގެ ފުރުސަތު ކުޑަކަމަށް އެޗްޕީއޭއިން ހާމަކޮށްފިއެވެ. އެޗްޕީއޭއިން ބުނިގޮތުގައި، ދެކުނު އެމެރިކާގެ ކުރޫޒް ލައިނަރަކުން ހަންޓާވައިރަސް ފެނުނު މައްސަލަ ޑަބްލިއުއެޗްއޯއާ ގުޅިގެން އެ އެޖެންސީން ދަނީ ބަލަމުންނެވެ. ރާއްޖެއިން މިހާތަނަށް މި ބަލި ޖެހިފައިވާ މީހަކު ނުވަތަ ބަލިމީހަކާ ބައްދަލުވި މީހަކުވެސް ފެނިފައިނުވާ ކަމަށް އެޗްޕީއޭއިން ބުނެއެވެ. އެ އެޖެންސީން ބުނިގޮތުގައި ރާއްޖެއަށް އޮތް ރިސްކު ކުޑަ ނަމަވެސް، ބައްޔާ ގުޅޭ އެންމެ ފަހުގެ މައުލޫމާތުތައް އާންމުންނާ ހިއްސާކުރަމުން ގެންދާނެއެވެ. ހަންޓާ ވައިރަހަށް […]

އެސްޓީއޯ ޖެނެރަލް ޓްރޭޑިންގުން ކުރިއަށް ގެންދާ ހިޓާޗީ އޭސީ ޕްރޮމޯޝަން ފަށައިފިއެވެ. އެސްޓީއޯ އިން ބުނީ، . ‘ފިނި ފިނި ޕްރޮމޯ’ ގެ ނަމިގައި ކުރިއަށްގެންދާ މި ޕްރޮމޯޝަންގައި ހެޔޮ އަގުތަކެއްގައި ހިޓާޗީގެ އޭސީތައް މިހާރު ލިބޭނެ ކަމަށެވެ.މި ޕްރޮމޯޝަންގައި ހިޓާޗީ އޭސީ ބައްލަވައިގަނެގެން، ކޮންމެ 1000 ރުފިޔާއަކަށް، ލަކީ ޑްރޯގައި ބައިވެރި ވުމަށް ކޫޕަނެއް ލިބިގެންދާނެއެވެ. ލަކީ ޑްރޯގެ ގުރުއަތުން ހޮވޭ ނަސީބުވެރި ފަރާތަކަށް 40،000 ރުފިޔާގެ ހިޓާޗީ ބްރޭންޑުގެ ހޯމް އެޕްލަޔަންސް ޕެކޭޖެއް ލިބިގެންދާނެ […]

ހިތަދޫ އުތުރު ދާއިރާގެ ބައި-އިލެކްޝަނަށް ޖުމްލަ 7 ވޯޓުފޮށި ބެހެއްޓުމަށް އީސީ އިން ނިންމައިފިއެވެ. އީސީ އިން ބުނީ، މީގެ ތެރެއިން 5 ވޯޓުފޮށި ބެހެއްޓުމަށް ހަމަޖެހިފައިވަނީ އެ ދާއިރާ ނިސްބަތްވާ އައްޑޫ ސިޓީ ހިތަދޫގައި ކަމަށެވެ. ފޮށިތައް ބެހެއްޓުމަށް ހަމަޖެހިފައިވަނީ ހިތަދޫ ސްކޫލްގައެވެ. އެއީ އެ ސްކޫލްގެ ހޯލުގައި ބަހައްޓާ 3 ފޮށްޓާއި، ދެ ކްލާސްރޫމެއްގައި ބަހައްޓާ 2 ފޮށްޓެވެ. މާލޭގައި ވޯޓުފޮށި ބެހެއްޓުމަށް ހަމަޖެހިފައިވަނީ، ދަރުމަވަންތަ ސްކޫލުގެ ދެކުނު އިމާރާތުގައި ކަމަށް އީސީއިން ވަނީ މައުލޫމާތު […]

އާރުޓީއައި ގާނޫނުގެ ދަށުން، ކާކުކަން ނޭނގޭ ފަރާތްތަކުންނާއި އޮޓޮމޭޓެޑް ‘ބޮޓް’ ތައް ބޭނުންކޮށްގެން ގިނަ އަދަދެއްގެ ހުށަހެޅުންތައް އަންނަމުންދާކަމަށާއި ސައްހަ އާރުޓީއައިތަކަށް ޖަވާބުދޭނެ ކަމަށް ރައީސް އޮފީހުގެ ތަރުޖަމާނު ތަރުޖަމާނު މުހައްމަދު ހުސެއިން ޝަރީފް (މުންދު) ވިދާޅުވެއްޖެއެވެ. ނޫސްވެރިންނާ ބައްދަލުކުރައްވައި ތަރުޖަމާނު ވިދާޅުވީ،އެއްފަހަރާ ގިނަ އަދަދެއްގެ އާރުޓީއައި ފޮނުވުމުގެ ސަބަބުން، އިދާރާތަކުގެ ރިސޯސްތަކަށް ބާރުބޮޑުވެ، ހަގީގީ ބޭނުންތަކުގައި މައުލޫމާތު ހޯދަން އެދޭ މީހުންނަށް ޖަވާބުދޭން ވަގުތު ނުލިބޭ ކަމަށެވެ. ރައީސް އޮފީހަށް ހުށަހަޅާފައިވާ އާރުޓީއައިތަކަށް ޖަވާބުދިނުމާ ގުޅޭގޮތުން […]

ދިވެހި ރުފިޔާ އެކައުންޓްތަކަށް ދޫކޮށްފައިވާ ކާޑުތަކުން ކުރާ މުއާމަލާތްތަކަށް ބޭންކް އޮފް މޯލްޑިވްސް (ބީއެމްއެލް) އިން ދުވާލަކު 1.33 މިލިއަން ޑޮލަރު ވިއްކަމުންދާ ކަމަށާއި ޑޮލަރު ލިބޭ މިންވަރަކުން ކާޑު ލިމިޓަށް ބަދަލު އަންނާނޭ ކަމަށް ރައީސް އޮފީހުގެ ތަރުޖަމާނު މުހައްމަދު ހުސައިން ޝަރީފް (މުންދު)ވިދާޅުވެއްޖެއެވެ. “ޕްރެސަރ ވިތު ދަ ސްޕޮކްސް” ގައި ނޫސްވެރިންގެ ސުވާލުތަކަށް ޖަވާބުދެއްވަމުން ތަރުޖަމާނު ވިދާޅުވީ،މެދުއިރުމަތީގެ ހަމަނުޖެހުންތަކާ ގުޅިގެން ފަތުރުވެރިން އަންނަ މިންވަރު މަދުވުމަކީ ބޭންކަށް ޑޮލަރު ލިބުމުގައި ކުރިމަތިވި ބޮޑު ގޮންޖެހުމެއް […]

އިންޑިއާ ކަނޑުގެ ހަމަޖެހުމާއި، ދެމެހެއްޓެނިވިކަމާއި، އަދި ވިލުންވެރިކަމަކީ ރާއްޖެއާއި ސްރީލަންކާގެ ތަނަވަސްކަމާ ގުޅިފައިވާ އަސާސީ ކަންކަން ކަމަށާއި، މި ސަރަހައްދުގެ ކުރިމަގު ބިނާކުރުމުގައި ލަންކާއަކީ ވަކިނުކުރެވޭނެ މުހިންމު ބައިވެރިއެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. ރައީސުލްޖުމްހޫރިއްޔާ މިހެން ވިދާޅުވީ، އެމަނިކުފާނު މިހާރު ސްރީލަންކާއަށް ކުރައްވަމުންދާ ރަސްމީ ދަތުރުފުޅުގެ ތެރެއިން “މޯލްޑިވްސް-ސްރީލަންކާ ބިޒްނަސް ފޯރަމް” ގައި ދެއްވި ތަޤުރީރުގައެވެ. މި ފޯރަމްގައި ވާހަކަފުޅު ދައްކަވަމުން ރައީސް ވިދާޅުވީ، ރާއްޖޭގެ ބާޒާރާ މެދު ލަންކާގެ ވިޔަފާރިތަކުން ގެންގުޅޭ […]

އެފްޑީސީން (ފަހި ދިރިއުޅުން ކޯޕަރޭޝަން)ހުޅުމާލޭގައި ތަރައްގީކޮށްފައިވާ ފްލެޓްތަކުގައި ދިރިއުޅޭ ފަރާތްތަކަށް މާލޭ ރަށްވެހިންގެ ދަފްތަރުގައި ރަޖިސްޓްރީވުމަށް ބޭނުންވާ ހުރިހާ ލިޔެކިޔުންތަކެއް މިހާރު އެފްޑީސީގެ އޮންލައިން ޕޯޓަލް މެދުވެރިކޮށް ލިބޭނެ އިންތިޒާމު ހަމަޖައްސާފައިވާ ކަމަށް އެ ކުންފުނީގެ މެނޭޖިންގ ޑިރެކްޓަރ ހަމްދާން ޝަކީލް ވިދާޅުވެއްޖެއެވެ. ހަމްދާން ވިދާޅުވީ، ފްލެޓްތަކުގެ ރަށްވެހިކަން ބަދަލުކުރުމުގައި އެފްޑީސީގެ ފަރާތުން ދޭންޖެހޭ އެއްވެސް އިދާރީ ހުއްދައެއް ނުވަތަ ލިޔެކިޔުމެއް މިހާރު މަޑުޖެހިފައި ނޯންނާނެ ކަމަށާއި، މި ހިދުމަތް ޑިޖިޓަލައިޒް ކުރެވިފައިވާތީ އާންމުންނަށް ވަރަށް ބޮޑު […]