ޙަބަރު
ބޭނުންކުރެވޭ ރިޒާވަށް 23 އިންސައްތައިގެ ކުރިއެރުމެއް!
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އެންމެ ފަހުން އާންމުކުރި ތަފާސްހިސާބުތައް ދައްކާ ގޮތުން، ނިމިދިޔަ ޖޫން މަސް ނިމުނުއިރު ރާއްޖޭގެ ރަސްމީ ރިޒާވް ދަށްވެއްޖެއެެވެ.
- ޖޫން 2026: 248.9 މިލިއަން ޑޮލަރު
- މޭ މަހާ އަޅާބަލާއިރު ދަށްވި އަދަދު: 11.9 މިލިއަން ޑޮލަރު
- މޭ 2026 ގައި ހުރި އަދަދު: 260.8 މިލިއަން ޑޮލަރު (248.9 + 11.9)
- ޖޫން 2025 ގައި ހުރި އަދަދު: 203.0 މިލިއަން ޑޮލަރު
އެމްއެމްއޭ އިން ބުނީ، މިއީ ގާތްގަނޑަކަށް 23 އިންސައްތައިގެ ކުރިއެރުމެއް ކަމަށެވެ.
އެމްއެމްއޭ އިން ހާމަކުރި ގޮތުގައި މިއަހަރު މޭއި މަހާއި އަޅާ ބަލާއިރު ޖޫން މަހު އެގްރޮސް ރިޒާވް ދަށްވުމުގެ މައިގަނޑު ސަބަބަކީ ބޭރު ފައިސާއިން ކުރެވުނު ހޭދަ އިތުރުވުމެވެ. މީގެ ތެރޭގައި، ބޭންކިން ނިޒާމާއި މުދާ އިމްޕޯޓްކުރާ ފަރާތްތަކުން ބޭރު ފައިސާއަށް އޮތް ބޮޑު ޑިމާންޑް އިތުރުވުމުގެ ސަބަބުން އެމްއެމްއޭގެ ފޮރިން އެކްސްޗޭންޖް އިންޓަވެންޝަން ސިޔާސަތުގެ ދަށުން ބާޒާރަށް ވިއްކި ޑޮލަރުގެ މިންވަރު، ކުރީ މަހާ އަޅާބަލާއިރު 43 އިންސައްތަ އިތުރުވުން ހިމެނޭ ކަމަށް އެއިދާރާ އިން ބުނެއެވެ.
ކޮމެންޓު