ކެރެލާއިން ރާއްޖެއަށް ހާހަކަށް ވުރެ ގިނަ ގަސް ހަދިޔާކޮށްފި

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިސްނެންގެވުމުގެ ދަށުން ކުރިއަށްދާ 5 މިލިއަން ގަސް އިންދުމުގެ ޤައުމީ ހަރަކާތަށް އެއްބާރުލުން ދިނުމުގެ ގޮތުން، އިންޑިއާގެ ކެރެލާ ސްޓޭޓުން ދިވެހިރާއްޖެއަށް 600 ކަޅުވައް (ޓީކް) ގަހާއި 600 އަނބުގަސް ހަދިޔާކޮށްފިއެވެ.

ޓައިމްސް އޮފް އިންޑިއާގައި ރިޕޯޓްކޮށްފައިވާ ގޮތުގައި، ދިވެހިރާއްޖޭގެ “5 މިލިއަން ގަސް އިންދުމުގެ” ޕްރޮގްރާމަށް އެހީތެރިވުމުގެ ގޮތުން ކެރެލާ ސްޓޭޓުން ވަނީ 1,200 ގަސްމުއްސާ ހަދިޔާކޮށްފައެވެ.އެ ނޫހުގައިވާ ގޮތުން، ކެރެލާގެ ފޮރެސްޓް، ވައިލްޑްލައިފް ޕްރޮޓެކްޝަން އެންޑް ސްކިލްސް ޑިވެލޮޕްމަންޓް މިނިސްޓަރު ޝިބޫ ބޭބީ ޖޯން މި ގަސްތައް ރަސްމީކޮށް ހަވާލުކޮށްދެއްވީ ޓްރިވެންޑްރަމްގައި ހުންނަ ދިވެހިރާއްޖޭގެ ކޮންސިއުލޭޓަށެވެ.އަދި ދިވެހިރާއްޖޭގެ ފަރާތުން މި ގަސްތަކާ ރަސްމީކޮށް ހަވާލުވެލެއްވީ ކޮންސުލް ޖެނެރަލް އާމިނަތު ޝިފާނާއެވެ.