ހުޅުމާލޭ ކޮވިޑް ފެސިލިޓީ ޖަލު ޔުނިޓަކަށް ބަދަލުކޮށްފި

ހުޅުމާލޭ  ކޮވިޑް ފެސިލިޓީ ޖަލު ޔުނިޓްއަކަށް ބަދަލުކޮށްފިއެވެ.

މޯލްޑިވްސް ކަރެކްޝަނަލް ސާރވިސް އިން ބުނީ، ‏ހުޅުމާލެ ޕޮލޮޓް ނަންބަރ 10623 ގައި އަލަށް ބިނާ ކުރާ ދެ ބުރި ޢިމާރާތުގެ  140 މީހުންގެ ޖާގައިގެ  ޖަލު ޔުނިޓްގެ 5 ސެލް ބްލޮކްގެ ތެރެއިން، ފުރަތަމަ ސެލް ބޮލޮކްގެ ހުރިހާ މަސައްކަތްތަކެއް ނިންމާފައިވާ ކަމަށެވެ.އެގޮތުން، ފުރަތަމަ ބެޗްގެ 16 ޤައިދީން އިއްޔެ އެ ޔުނިޓަށް ބަދަލުކުރެވިފައިވާ ކަމަށް ކަރެކްޝަނަލް ސާރވިސް އިން ވަނީ ބުނެފައެވެ.

މީގެއިތުރުން، އަދި މި މަސައްކަތުގެ ގުރައުންޑް ފޮލޯރގެ ހުރިހާ މަސައްކަތެއް ޖޫން މަހުގެ ތެރޭގައި ނިންމާލެވެމުން، ކޯޓްތަކަށާއި، މެޑިކަލް އަށް މާލެ  ގެންނަންޖެހޭ މީހުން ގެނެސް ބޭއްތިއްބުމަށް  ބޮޑު ލުއިކަމެއްލިބި، ކުރަންޖެހޭ ދަތުރުފަތުރުގެ ޚަރަދުތައް ކުޑަވެގެންދާނެ ކަމަށް ކަރެކްޝަންސް އިން ބުނެއެވެ.

މިހާރު ކަރެކްޝަންސް އިން މިޚިދުމަތް ދެމުން ގެންދަނީ ޖާގައިގެ އަދި ލޮޖިސްޓިކްސްގެ ދަތިކަމާއި، މޫސުމީ ދަތިތަކާއެކު އޮފިސަރުންގެ ރިސްކް ބޮޑު ބުރަ މަސައްކަތާއެކުގައި ކަމަށް  އެ މުއައްސަސާ އިން މައުލޫމާތު ދިނެވެ.

ޖުމްލަ 140 އަށްވުރެ ގިނަ ގައިދީންގެ ޖާގަ ހިމެނޭ ގޮތަށް އޭސީކޮށް ތަރައްގީކުރި މި އާ ޔުނިޓުގެ ސަބަބުން، ކޯޓުތަކަށާއި ސިއްހީ ފަރުވާއަށް ގައިދީން އުފުލުމުގައި އޮފިސަރުންނަށް ދިމާވާ ނުރައްކާތަކާއި ހުރަސްތަކަށް ބޮޑު ހައްލެއް ލިބިގެންދާނެއެވެ.