ގައްދޫގައި ޕާސްޕޯޓުގެ ޚިދުމަތް ރަސްމީކޮށް ފަށައިފި

ދިވެހި ޕާސްޕޯޓުގެ ޚިދުމަތް ރާއްޖޭގެ އެކިކަންކޮޅުތަކަށް ފުޅާކުރުމަށް ސަރުކާރުން ކުރިއަށްގެންދާ މަޝްރޫޢުގެ ދަށުން، ގދ. ގައްދޫގައި ޕާސްޕޯޓުގެ ޚިދުމަތް ރަސްމީކޮށް ތަޢާރަފުކޮށްފިއެވެ.

މި ޚިދުމަތާއެކު ގައްދޫގެ އިތުރުން އެ ސަރަހައްދުގެ ރައްޔިތުންނަށް ދަތުރުފަތުރަށް ކުރަންޖެހޭ ހޭދަ ކުޑަވެ، ފަސޭހަކަމާއެކު ޕާސްޕޯޓުގެ ޚިދުމަތް ލިބޭނެ މަގު ވަނީ ތަނަވަސްވެފައެވެ.

ދިވެހި ޕާސްޕޯޓުގެ ޚިދުމަތް ފުޅާކުރުމުގެ މަޝްރޫޢުގެ ދަށުން، މާލެ އާއި ހުޅުމާލޭގެ އިތުރުން ހއ. ދިއްދޫ، ހދ. ކުޅުދުއްފުށި، ބ. އޭދަފުށި، ދ. ކުޑަހުވަދޫ، ލ. ފޮނަދޫ، ޏ. ފުވައްމުލައް، ސ. ހިތަދޫ/ހުޅުމީދޫ، ގދ. ތިނަދޫ އަދި ގދ. ގައްދޫން މިހާރު ޕާސްޕޯޓުގެ ޚިދުމަތް ދެމުން އާދެއެވެ.