ބިންވެރިޔާ ސްކީމުން އެޗްޑީސީއަށް 15 ބިލިއަން ރުފިޔާގެ ބޮޑު ގެއްލުމެއް: އޮޑިޓް ރިޕޯޓް

ބިންވެރިޔާ ސްކީމްގެ ދަށުން ކުރީގެ ސަރުކާރުން ހުޅުމާލޭގެ ފޭސް 2 އަދި ފޭސް 3 އިން ހިލޭ ގޯތި ދޫކުރުމުގެ ސަބަބުން، ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އަށް 14.85 ބިލިއަނާއި 15.93 ބިލިއަން ރުފިޔާގެ ދެމެދުގެ ބޮޑު މާލީ ގެއްލުމެއް ވެފައިވާ ކަމަށް އޮޑިޓަރ ޖެނެރަލްގެ އޮފީހުން ނެރުނު ޚާއްސަ އޮޑިޓް ރިޕޯޓުން ހާމަވެއްޖެއެވެ.

ބިންތައް ދޫކުރި ގޮތުގެ މާލީ ތަފްސީލު:

• އޮޑިޓް ރިޕޯޓުގައި ބަޔާންކޮށްފައިވާ ގޮތުން، މި ސްކީމުގެ ދަށުން ހުޅުމާލޭގެ އެކި ސަރަޙައްދުތަކުން ޖުމްލަ 2,841,400 އަކަފޫޓުގެ ބިން ވަނީ ހިލޭ ދޫކޮށްފަ
• ފޭސް 2 ގެ ބީޗްސައިޑް ގޯތިތައް: މާކެޓްގައި އެންމެ އަގުބޮޑު ސަރަޙައްދުން ދޫކުރި 188 ގޯތީގެ އަގު 2.5 ބިލިއަން ރުފިޔާއަށް އަރާ
• ފޭސް 2 ގެ އެހެނިހެން ގޯތިތައް: މި ސަރަޙައްދުން ދޫކުރި އިތުރު 521 ގޯތީގެ މާކެޓް އަގަކީ 4.9 ބިލިއަން ރުފިޔާ
• ފޭސް 3 ގެ ގޯތިތައް: އަލަށް ހިއްކި ސަރަޙައްދުން ދޫކުރި 669 ގޯތީގެ އަގު 8.4 ބިލިއަން ރުފިޔާއަށް އަރާ.