ބީއެމްއެލުން ސްވައިޕްގެ ލިމިޓެޑް ރިލީޒަށް ރެޖިސްޓާވާން ހުޅުވާލައިފި

ބޭންކް އޮފް މޯލްޑިވްސް (ބީއެމްއެލް) އިިން ސްވައިޕްގެ ލިމިޓެޑް ރިލީޒްއަށް ރެޖިސްޓާވުމަށް ހުޅުވާލައިފިއެވެ.

މިއީ ރާއްޖެއާއި ރާއްޖޭން ބޭރަށް ފަސޭހަކަމާއެކު ފައިސާގެ މުއާމަލާތްތައް ކުރެވޭ، 100% ދިވެހި އުފެއްދުމެއް ތަޖުރިބާކޮށްލުމަށް ލިބޭ ފުރުސަތެއްކަމަށް ބީއެމްއެލުން ވަނީ ބުނެފައެވެ. އެގޮތުން، ލިމިޓެޑް ރިލީޒްގައި ސްވައިޕް ބޭނުންކުރުމުގެ ފުރުސަތު ލިބޭނީ ސްވައިޕް.އެމްވީ މެދުވެރިކޮށް ރަޖިސްޓާވާ ފުރަތަމަ 5،000 ކަސްޓަމަރުންނަށެވެ.

ސްވައިޕް މެދުވެރިކޮށް، މަލްޓި ކަރަންސީ ވޮލެޓެއްގެ ގޮތުގައި ބޭނުންކުރެވޭ ސްވައިޕް ޓޮޕްއަޕް ކުރުމަށް ބޭންކް އޮފް މޯލްޑިވްސް އެކައުންޓްތަކާއި ކޮންމެ ކްރެޑިޓް އަދި ޑެބިޓް ކާޑެއްވެސް ބޭނުންކުރެވޭގޮތަށް ބީއެންމެލުން ވަނީ ހަދާފައެވެ.