ހައްޖު ކޯޕަރޭޝަންގެ އެމްޑީއަކަށް ފިރުޒުލް އައްޔަނުކޮށްފި

މޯލްޑިވްސް ހައްޖު ކޯޕަރޭޝަން ލިމިޓެޑްގެ ބޯޑް މެންބަރުކަމާއި މެނޭޖިންގ ޑިރެކްޓަރު ކަމުގެ މަގާމަށް، ދ. ކުޑަހުވަދޫ، ޝަބްނަމީގެ، އަލްއުސްތާޛް މުޙައްމަދު ފިރުޒުލް ޢަބްދުﷲ ޚަލީލް އައްޔަނުކުރައްވައިފިއެވެ.

ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން މިއަދު ވަނީ ރަސްމީކޮށް މިކަން ހާމަކޮށްފައެވެ.

ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގަތުމުގެ އިންތިގާލީ މަރުހަލާގައި،އިންތިގާލީ ކޮމިޓީގެ ރަސްމީ ތަރުޖަމާނެއްގެ ގޮތުން އެންމެ އިސްކޮށް މަޢުލޫމާތު ދެއްވީވެސް ފިރުޒުލްއެވެ.