މިިދިޔަ މަހު ފުވައްމުލަކުގެ ފެނަށް ބިލު ނުކުރަން ނިންމައިފި

މިިދިޔަ ނޮވެމްބަރު މަހު ފުވައްމުލަކު ސިޓީގެ ފެނަށް ބިލު ނުކުރަން ފެނަކައިން ނިންމައިފި އެވެ.

މިދިޔަ މަހު، ފުވައްމުލަކު ސިޓީގެ ފެނުގެ ނެޓްވޯކްގެ މަސައްކަތްތަކެއް ކުރަމުންދިޔައިރު، އެކި ވަގުތުތަކުގައި ފެން ކެނޑުމާއި، ތަގައްޔަރު ފެން އައުމާއި ފެނުގެ ޕްރެޝަރު ދަށްވުންފަދަ ކަންކަން ވަނީ މެދުވެރިވެފަ އެވެ.

ފުވައްމުލައް ސިޓީގައި ދިމާވެފައިވާ ފެނުގެ މައްސަލަ ހައްލުކޮށް، ރަނގަޅު ފެންވަރެއްފެ ފެނުގެ ހިތުމަތް އަލުން ދިނުމަށް ކުރަންޖެހޭ ކަންކަން ހުއްޓުމެއް ނެތި ކުރަމުންދާކަމުގެ ޔަގީންކަން ފެނަކައިން ވަނީ ދީފަ އެވެ. އަދި އެސިޓީގެ ފެނުގެ ނިޒާމު އަޕްގްރޭޑްކުރުމުގެ މަސައްކަތްކުރަމުން އަންނަކަމަށް ފެނަކައިން ވަނީ ބުނެފައެވެ.