ނައިބު ރައީސް ހިލާލީގެއިން ބަދަލުވި ވާހަކަ ދޮގުކުރައްވައިފި

ރައީސުލްޖުމްހޫރިއްޔާ ޑރ. މުހައްމަދު މުއިއްޒު ޖާސޫސްކުރައްވާތީ ނައިބު ރައީސް ހުސައިން މުހައްމަދު ލަތީފް ހިލާލީގެއިން ނިކުމެވަޑައިގެން ހުޅުމާލެއަށް ބަދަލުވެވަޑައިގެންނެވި ކަމަށް ފެތުރި ހަބަރު އެމަނިކުފާނު މިއަދު ދޮގުކުރައްވައިފިއެވެ.

ޗެނެލް 13އިން އިއްޔެ ވަނީ ރައީސް ޑރ. މުއިއްޒު ނައިބު ރައީސަށް ޖާސޫސް ކުރާތީ އެކަމާ އެމަނިކުފާނު ހިތްހަމަޖެހިވަޑައިނުގެން ހުޅުމާލޭގައި ހުންނަ އެމަނިކުފާނުގެ އަމިއްލަ އެޕާޓުމެންޓަކަށް ބަދަލުވެވަޑައިގެންނެވި ކަމަށް ބުނެ ހަބަރު ފަތުރައިފައެވެ.

އެމަނިކުފާނު ވަނީ އެ ފަދަ ދޮގުތައް ހަދައި މުޖުތަމައު ފަސާދަ ކުރުން ހުއްޓާލުމަށް ވެސް ގޮވާލައްވާފައެވެ.